“ಟಂಕಾ”ಗಳು

ಇದು ಪರ್ಷಿಯನ್ ಸಾಹಿತ್ಯ ಪ್ರಕಾರ. ಇದನ್ನು ಕನ್ನಡಕ್ಕೆ ಉತ್ತರ ಕರ್ನಾಟಕದಲ್ಲಿ ಪ್ರಚಾರಕ್ಕೆ ತಂದು ಹಲವಾರು ಕವಿಗಳು ಇದರಲ್ಲಿ ಕೃಷಿ ಕೈಗೊಂಡ ಈ ಪ್ರಕಾರಕ್ಕೆ ಮಾನ್ಯತೆ ಕೊಟ್ಟು ಬರೆಯುತ್ತಿದ್ದಾರೆ. ಇದು ಹೈದರಾಬಾದ್ ಕರ್ನಾಟಕದಲ್ಲೂ ಈ ಪ್ರಕಾರ ಚಾಲ್ತಿಯಲ್ಲಿದೆ.

ನಿಯಮಗಳು:-

• ಇದು ಐದು ಸಾಲುಗಳ ಒಂದು ಸಾಹಿತ್ಯದ ಪ್ರಕಾರ.
• 1 ಮತ್ತು 3 ನೇ ಸಾಲುಗಳು ಐದೈದು ಅಕ್ಷರಗಳನ್ನು ಹೊಂದಿರಬೇಕು.
• 2,4,5  ನೇ ಸಾಲುಗಳಲ್ಲಿ ಏಳೇಳು ಅಕ್ಷರಗಳನ್ನು ಹೊಂದಿರಬೇಕು.
• ಇದು ಒಟ್ಟು 31 ಅಕ್ಷರ ಜೋಡಣೆಯ ಛಂದಸ್ಸಿನ ಗುಚ್ಛ
• ಇಲ್ಲಿ ಅಕ್ಷರಗಳ ಲೆಕ್ಕ ಗಣನೆಗೆ ಬರುತ್ತದೆ

ಕೆಲವು ಉದಯೋನ್ಮುಖ ಕವಿ ಹಾಗೂ ಕವಯಿತ್ರಿಯರ
” ಟಂಕಾ ” ಗಳು

*ಟಂಕಾ-01*

ನಿನ್ನ ಹೃದಯ
ನನ್ನರಮನೆಯಾಗಿ
ಅಧಿಪತ್ಯವ
ಕೈಸೆರೆ ಹಿಡಿದಿದೆ
ಕೈಜಾರಿ ಬೀಳದಂತೆ!!

*ಟಂಕಾ-02*

ಹಸಿರಾಗಿದೆ
ತ್ರಾಣ ಹೃದಯದಲ್ಲಿ
ನಿನ್ನೊಲುಮೆಯ
ಧಾರೆಯಲ್ಲಿ ಮಿಂದಿದೆ
ಹಸಿರಿನ ಉಸಿರು !

*ತೇಜಾವತಿ ಹೆಚ್. ಡಿ. (ಖುಷಿ)*
———————————————————————————-

ಟಂಕಾ 1

ಮಾತೃ ಸ್ವರೂಪಿ
ಶಾಂತಾದೇವಿಯವರು
ಕನ್ನಡಾಂಬೆಯ
ಶ್ರೇಷ್ಠ ವರಪುತ್ರಿಯು
ಅಮರರು ಎಂದಿಗೂ.

ಟಂಕಾ 2

ಅಷ್ಟಐಶ್ವರ್ಯ
ಸಾಟಿಯೇನುತಾಯಿಗೆ?
ಅವಳ ಪ್ರೀತಿ
ಆರಲಾರದ ಜ್ಯೋತಿ
ಸತ್ಯವಿದು ಬಾಳಿಗೆ.

ಮೀನಾಕ್ಷಿ ಸೂಡಿ
———————————————————————————-

9742192615:

*”ಟಂಕಾ-೧”*

*ಕವಿ ಹೃದಯ*
*ಬತ್ತಿದೊಡೆ ಸಾಹಿತ್ಯ*
*ಮಣ್ಣಾಗುವುದು*
*ಕವಿ ಕಂಡ ಕನಸು*
*ಮರಚಿಕೆಯಾದಿತು॥*

*”ಟಂಕಾ-೨”*

*ಕನ್ನಡಿಯಂತೆ*
*ಹೊಳೆಯುವಳು ನನ್ನ*
*ಮನದರಸಿ*
*ಹತ್ತಿರ ಸರಿದಂತೆ*
*ನಾಚಿ ಬೆರಗಾದಳು॥*

*”ಟಂಕಾ-೩”*

*ಉದಯಕಾಲ*
*ಪೂರ್ವದಿ ನಮಿಸುತ್ತಾ*
*ಅಂಬರಮಣಿ*
*ಕಂಡು ಹಕ್ಕಿಗಳೆಲ್ಲ*
*ರಾಗವ ಹಾಡಿದವು॥*

*”ಟಂಕಾ-೪”*

*ಮೊದಲ ಮಾತು*
*ಡವಡವದಿ ಹೇಳಿ*
*ಮೌನವಾದೇನು*
*ನಂತರದ ಮಾತನ್ನು*
*ಮುತ್ತಿನಂತೆ ಸುರಿದೆ॥*

*”ಟಂಕಾ – ೫”*

*ಮೌನ ಮಾತಾಗಿ*
*ಆಶೋತ್ತರಗಳನ್ನು*
*ಹರಡಿಹನು*
*ಅಳಿಯಲಾಗದಂತೆ*
*ಆಕಾಶದೆತ್ತರಕ್ಕೆ॥*

✒️ಎಮ್.ಎ.ಹೊಸಮನಿ ಶಿರಗಾಂವ
9742192615
———————————————————————————-
ಟಂಕಾಗಳು

೧.
ಸತ್ಯ ಎಂಬುದು
ಅಂತರಾತ್ಮದಲ್ಲಿರೆ
ಭೇದವಿರದು
ಕಠೋರ ಆತ್ಮಬಲ
ಎಂದೂ ಸೋಲಲಾರದು

೨.
ಒಂದೇ ಮನಸ್ಸು
ಒಂದೇ ಇಲ್ಲಿಹ ತೋಟ
ಒಂದೇ ಭಾರತ
ವಿಧ ವಿಧ ಹೂಗಳು
ಭಾರತೀಯ ಪುತ್ರರು

೩.
ಓಡು ಮನವೆ
ವ್ಯರ್ಥ ದುಶ್ಚಟ ಬಿಟ್ಟು
ನನ್ನಾರೋಗ್ಯದ
ರಕ್ಷಣೆ ನಾನೇ ಬದ್ದ
ಇನ್ಯಾರು ಹೊಣೆ ಹೇಳು

೪.
ಹಸಿರು ಇರೆ
ಉಸಿರು ಎಲ್ಲೆಡೆಗೆ
ಮರ ಉಳಿಸು
ಗಾಳಿ ಮಳೆ ನಿನಗೆ
ಆಸರೆ ಭವಿಷ್ಯಕ್ಕೆ

೫.
ಪ್ರೀತಿ ಹಂಚಲು
ಪ್ರೀತಿಯ ಪರಿಮಳ
ದ್ವೇಷ ಬಿತ್ತಲು
ಬೆಂಕಿಯ ಗೆಳೆತನ
ವಿನಾಶಕ್ಕೆ ಆಹ್ವಾನ

– ಈಶ್ವರ್
(ಈಶ್ವರ ಮಮದಾಪೂರ)