ಕಿವಿಯೋಲೆ

ಕಿವಿಯೋಲೆ

ಕಣ್ಣುಗಳ ಕಪ್ಪು

ಚಲುವೆಗೆ ನೀಡಿವೆ

ನಲ್ಲನ ಕರೆಯೋಲೆ 

ಕಣ್ಣೋಟ ಸೆಳೆಯುವ 

ಸುಂದರ ಕಿವಿಯೋಲೆ ಮನಸೆಳೆಯುವ ಸುಂದರಿಗೆ ಮುಡಿಪಾಗಿ ತೋರಿವೆ

ನನ್ನ ಮನದ ಮಾತನು

 ಪಿಸುಗುಡುತ ನೀ ಹೇಳೆ 

ಬಾ ಇನಿಯ ಬರಸೆಳೆದು

ಅಪ್ಪಿ ಮುದ್ದಾಡಲು

ದುಂಬಿ ಮಕರಂದ 

ಹೀರುವ ತೆರದಿ ನನ್ನನು

ಏನೋ ಹೇಳಬೇಕು

ಕಿವಿಯಲಿ ಎನುತ

ಹತ್ತಿರ ಬರಲು 

ಬರಸೆಳೆದ

ಕಿವಿಯೋಲೆ 

ನನ್ನ ಬಳಿಗೆ

ಹೇಳು ನೀ ಹೇಳುವ

ಮಾತುಗಳ ಎನಲು

ಕೆಣಕಿದಂತಾಗಿ ನನ್ನ ಪ್ರೀತಿ

ಎಲ್ಲಿ ಗುಟ್ಟು ನಿನ್ನ

ಮೂಲಕ ರಟ್ಟಾಗುವುದೋ

ಎನುತ ದೂರ ಸರಿಯಲು

ನಾ ನಿಮ್ಮ ನಡುವೆ

ಪ್ರೇಮ ಸೇತುವೆ

ಹೇಳಿ ಬಿಡು ನೀ ನಿನ್ನ

ಕನಸ ನನ್ನ ಬಳಿಗೆ 

ಎಂದಂತಾಗಿ ಮನ ಅರಳಿತು

ತಿಳಿಯಾದ ತೆಳು ತ್ವಚೆಯ

ಕಿವಿ ಕಾಂತಿಯ ಕಿವಿಯೋಲೆ

ಸ್ಪರ್ಶಿಸುತಲಿ ನಲ್ಲೆಯ

ಕೆನ್ನೆಯ ಸೋಕುತ

ಚುಂಬನ ನೀಡುತಲಿ

ಕಿವಿಯೋಲೆ ನೀ ಸರಿ ಆಚೆ

ಇವಳು ನನ್ನ ಸ್ವತ್ತು ಎಂದು

ನಲ್ಲೆಯ ಆಲಿಂಗನ

ನೀ ಸಂಸ್ಕೃತಿ ಯ ಪ್ರತೀಕ

ಕಿವಿಗೆ ಕಾಂತಿ

ಹೆಣ್ಣಿಗೆ ಸೌಂದರ್ಯ

ನೀ ಇರಲು ಶೃಂಗಾರ

ಹೆಣ್ತನಕ್ಕೆ ಮೆರುಗು

ಉಯ್ಯಾಲೆ ಆಡುತಿರಲು

ನಲ್ಲೆಯ ಅಂದದ ಮೆರಗು

ಇರಬೇಕು ನಮ್ಮ ನಡುವೆ

ಪ್ರೇಮ ಸೇತುವೆಯ ರೀತಿ

ವೈ. ಬಿ. ಕಡಕೋಳ