Homeಕವನಮೊರೆ ಕೇಳು ಮಹಾದೇವ

ಮೊರೆ ಕೇಳು ಮಹಾದೇವ

ಮೊರೆ ಕೇಳು ಮಹಾದೇವ

ವರುಷದ ಮೊದಲ ಹಬ್ಬ ಯುಗಾದಿ
ತರಲಿ ನಮಗೆಲ್ಲ ಹರುಷ ಅನುದಿನದಿ
ಕೋಪ ತಾಪ ದ್ವೇಷ ಅಸೂಯೆ
ತನುಮನಗಳಿಂದ ‌ ದೂರಾಗಲಿ ಮಹಾದೇವ||

ಚಿಗುರೆಲೆಗಳು  ಚಿಗುರುವಂತೆ
ತರುಲತೆಗಳು ಬೆಳೆಯುವಂತೆ
ನವ ಯುಗದಿ ನವ ತರುಣರು
ಸತ್ಕಾರ್ಯಗಳಲಿ ತೊಡಗಲಿ ಮಹಾದೇವ||

ಮಾವಿನ ಸಿಹಿ ಬೇವಿನ ಕಹಿ
ಜೀವನದ ಸಮರಸಕೆ ಮಾದರಿ
ಸಿಹಿಕಹಿಯ ಸಮಾನತೆಯಲಿ
ಸ್ವೀಕರಿಸುವಂತೆ ಮಾಡು ಮಹಾದೇವ ||

ದುಶ್ಚಟಗಳು ದೂರಾಗಲಿ
ಕಷ್ಟಗಳು ಮಾಯವಾಗಲಿ
ಹೊಸ ವರುಷಕೆ ಹುಮ್ಮಸ್ಸಿನಲಿ
ದುಡಿದುಣ್ಣುವ ಶಕ್ತಿ ನೀಡು ಮಹಾದೇವ||

ಕಾಲ ಸದ್ದಿಲ್ಲದೆ ಸರಿಯುತಿದೆ 
ಸಾಧನೆ ಮಾತ್ರ ಶೂನ್ಯವಾಗಿದೆ 
ಕಾಯಕ ಮಾಡುವ ಕೈಗಳಿಗೆ
ನವನಾವೀನ್ಯತೆಯ ಕರುಣಿಸು ಮಹಾದೇವ||

ವರುಷವೆಲ್ಲ ಹಬ್ಬಗಳ ಆಚರಣೆ
ಮಾಡುತಿಲ್ಲ ನಿಜವಾದ ಅನುಕರಣೆ 
ಆಚರಣೆಗಳ ಹಿಂದಿರುವ ಮರ್ಮವ
ತಿಳಿವಂತೆ ಅರುಹಯ್ಯ ಮಹಾದೇವ||

ಕೋಶ ಓದಿದರೂ ದೇಶ ಸುತ್ತಿದರೂ
ಮತಿಯು ಮಿತಿಯಲಿಲ್ಲ ಕೇಳಯ್ಯಾ
ಬುವಿಯಲಿ ಅಲ್ಲೋಲ ಕಲ್ಲೋ
ಕಂಡರೂ ಕಾಣದಂತೇಕಿರುವೆ ಮಹಾದೇವ ||

ಹಳೆತನದ ಕೊಳೆ ಕೊಚ್ಚಿ
ಹೊಸತನದ ರೂಪ ಹಚ್ಚಿ
ಭಾರತಾಂಬೆಯ ಸುಸಂಸ್ಕೃತಿಯ
ತಿಳಿದು ಬದುಕುವಂತೆ ದಾರಿ ತೋರು ಮಹಾದೇವ||


ಶ್ರೀಮತಿ ಜ್ಯೋತಿ ಕೋಟಗಿ

RELATED ARTICLES

Most Popular

close
error: Content is protected !!
Join WhatsApp Group